غيابك للشاعر محمد ثروت

كتب محمدثروت

0

 

غيابك طال على فكرة

وانا طال ليلى من الانتظار

العمر سبحه وفرطت

والايام مربوطة في قطر

والقطر مش راحم حد

 

كل الأيام تشبه بعض

زي غيابك كان جدل

حتي الزرع بتاعي انا وانتي

دبل واصفر مبقاش زرع

 

كبر وخلف اهوة كذاا فرع

بس فروع كلها دبلانه وحزينه

 

وارضه مهما شربت ميه

مبتشبعش

نفسها في ميه من ايدك

ميه من ريقك

ترد الروح فيها

عشان بجد اشتقت

وعدتيني انك جايه ومجتيش

قولتيلي السنادي ومشوفتكيش

اكبر وجع لما الايام تكشفلنا نيبها

والخوف يملكنا

ومنلقيش حضن يضمنا

حضن يكون لينا بجد

حد نامن بيه ونصدقه

ونكمل وياه الحلم

وحشتيني اوي بجد

ووحشني صورتك الي في خيالي

ووحشني صوتك الي بيرن في وداني

تعبني غيابك دا ولحد أمتي هفضل لوحدي

انتي بالنسبالي الحياه كلها

إلهناء إلي بيقولوا عليه

مطالبي مش كتير

خلينا نفرح من تاني

ونبتدي سوي انا وانتي

عمر جديد

 

انا من بعدك تايه

ويعدي عليا ساعات كتير مبقاش تمام

 

أيامي كلها غير سعيده

يجي الفجر مع صوت العصافير

وبصيص النور من الشباك

ظاهر

أتمني كل يوم في نفس اللحظة

اشوفك وانتي بتصحيني

 

وعينك في عيني

وعلي وشك اجمل ابتسامه

 

الامل فيكي وانا برغم الألم عايش

 

 

Leave A Reply

Your email address will not be published.